پاکستان ته به هم افغاني سبق ورکړل شي!
لیکوال:(عبدالغفارپوپل(
دافغانستان اوسنۍ حالت هغه وختونه،دهر افغان په ياد راولي چې دكابل په كوڅو،اوسړكونوكې د
مظلوم ولس له وينو څخه لښتۍ روانې وې،په زرګونه كورنۍ دخپلو عزيزانو په وير اوماتم ناستې وې،دبد مرغيو لمن دافغانستان ټول ملت تر خپل سيري لاندې راوستی وو.
كابل ښار دګوندونو،دپوځي مانورونو ډګر ګرځېدلی وو،له هرې خوانه دراكټونو بارآن پر كابل
ښار باندې راورېده، نور هغه وخت وو چې، دكابل ښار په كوڅوكې دمړو شو كسانو په پر اجسادو باندې دسپيانو مېلې جوړې شوې وې،هيڅ څوك نه وو چې ،دجګړې قربانيان تر خاورو لاندې كړي.
ډېر دردونكى حالت وو،خومګر تېر شوو او ياد يې دهر افغان په زړه دپرونۍ قصې په شان پاتې دۍ،داڅوك وو چې په دې ناوړه عمل يې لاس برشوو؟........
ولې افغا نان دېرش كاله دغم په ټغره دهغوی له خوا کېنول شول ؟....... ولې ددې خاورې بچيان تر خاورو لاندې شول؟.... داټولې هغې پوښتني دي چې، تر ډېره وخته بې ځوابه پاتي وو،مګر
اوس د دې، او دې ته ورته نور پوښتنو ځواب وركوني ومندل شول، هغه كسان چې ددې پوښتنو ځواب دافغانستان مظلوم ملت ته وركوي ،هغوي د دې خاورې دپت ،عزت، اوناموس، دوښمنان دي.
او داپټ دوښمن بل هیڅ څوک نوو" پاکستان" وو چې افغانستان دهغه دبدو اعمالواوغیرانساني غوښتو له لاسه، دې حالت ته ورسېد، چې اوس له غمخوارنه کتونکي ورته زیاد دي.
”پاکستان" په ښكاره كه ډول دا په ګوته كړه چې، له افغانستان سره دوښمني لري، شپېته كلن"
پاکستان" دافغانستان د دېرش كلنې جګړې دبنسټ تيګه كېښوده، اودخپلو شومو اهدافو په عملي كېدو سره دمليونونو افغانانو دمرګ،بربادۍ، اورسوايۍ منظرې ته كې ناسته .
د" پاکستان" بې شرمه او مختوري ،سياست وال تل دافغانستان ديوشمېر صادقو مشرانو له نيكو
احساساتو څخه ،ډېرې ناوړې ګټې پورته ګړې، چې له هغه جملې څخه خداى بښلي ارواښاد ډاكټر نجيب الله يا دولى شو.
چې بلاخره ډاكټر نجيب الله، د" پاکستان" د دناوړي ،شرمېدلي، او مختوري، اى، اس ،اى ادارې له خوا په كابل كې به دار وځړول شو،او داهغه عمل وو چې" پاکستان" خپل موقف له افغانستان سره اعلان كړه.
خو مګر په خواشينۍ سره چې، يوشمېرافغاني غلامان بيا " پاکستان" غېږې ته ورغلل،
چې نه غواړم له هغوي نه په دې ليكنه كې نوم واخلم،هغوي په ښكاره ډول اوس هم موجود دي.
مګر اوس يوازې دپاكستان يا لوي شيطان پر كار نامو خبرې كوو،پورتنۍ ليكنه صرف دتېرو
تريخويادونو، اوغملړو پېښو باندې يوه لنډه كتنه وه،مګر اصلي خبره دپاكستان داوسنيو منافقتونوپه اړه ده چې په ښكاره ډول دافغانستان له خلكو سره سې كوي.
له هغه وخت نه چې په افغانستان كې شاهي دوره له منځه لاړه، او جمهوري نظام پيل شو پاكستان
هم خپلې لاس وهنې دافغانستان په كورنيو چاروكې پيل كړې، اوافغانستان ته يې خپلې شوڼې را واستولې.
په افغانستان كې، كومې سياسي ډلې نه دي چې، " پاکستان" هغوي دوختو دولتونو پرواندې نوي
تقويه كړي،داهم یوه پوښتنه ده چې دافغانستان یوشمېر،ورانکار،او مخ توري ګوندونه يې بايد ځواب و وايي.
دافغانستان په کورنیو چارو کې د" پاکستان" ترڅنګ، يوشمېر نور باندني لاسونه هم
کارکوي،اوداښکاره خبره ده چې، دافغانستان اوسنۍ جګړه افغاني جګړه نه، بلکه دبهرنیو له خوا دپاكستان په واسطه په دې ملک باندې تپل کیږي.
دطالبانو له ماتې وروسته ،افغان ولس یوازې دیوې لنډې مودې لپاره د سوکالي،او ورور ولۍ ،په
رڼا كې ژوند وکړ، اودغه د لنډې مودې،سوله اولنډ ژوند شپې او ورځې د دېرش کلنې جګړې نه وروسته دلومړي ځل لپاره په دې دردېدلی ولس باندې حاکمه شوه.
که څه هم په همدې لنډه موده كې ،یوڅه پرمختګ هم شوی ،خود هغه هېواد لپاره چې، تازه له اور،اونابودۍ څخه وتلی وي دالاسته راونړې بسنه نه کوي.
اولازمه ده چې ،شپه او ورځ کاروشي، ترڅو دنورو هېوادونو له احتیاجۍ نه دخلاصۍ لاره
وموندل شي،مګر له بده مرغه هغه څه چې ،د دتېروڅوکلنو په موده کې، دنورو هېوادونو په مرسته افغانستان ته راغلي وو، بېرته دبربادۍکندې ته لاهو شول.
په دې موده کې،امنیت چې له ضروي او خورامهمو خبروڅخه ده له افغانستان څخه خپله ټغره توله کړه،نا امني، ګراني،او په مختلفونومونو دملکي وګړو نابودي، له هغو ستونځوڅخه دي چې، دم
ګړۍ افغان ولس ورسره لاس او ګرېوان دی،اوداسې ورځ هم نشته چې دافغانستان په مختلفو سیمو کې ملکي کسان ونوژل شي.
دولسي خلکو وژنه اوس وخت کې، دیوه رواج،اویاهم دښکار بڼه ځان ته غوره کړې ده، دانسانانو وژنه نه بهرني ځواکونو ته ارزښت لري ،اونه افغاني وسله والو ته.
داچې ولې د دې هېواد خلک په ورکو نومونو باندې وژل کیږي چاته معلومه نه ده،اوداسې یو
شخص چې، د دې ملت استازي توب وکړي او دناحقه وژنو،او قتلونو مخنیوي وکړي نشته،اوهغه
کسان چې له هرې غمیزې نه باد سرپورته کوي ،اوځان دخلکواستازی معرفي کوي دهغوی له لاسه هم څه نه بودیږي.
دوه ټکي دهمدې خبرې اصلي لا ملونه دي ،یو داچې دافغانانوترمنځ،په تېره بیا د مشرانو خبرې
واحد دریځ نه لري، که چېرته دهرې پېښې په هکله د دوي هوډ یو اړخ لرلی، اوهغه هم دغوڅې پرېکړې پربنسټ ترسره کېدای، کله هم داسې اعمال چې اوس روان دي نه ترسره کېدل.
اوپاكستان ته دا وخت نه پيداكېدله چې دافغانستان په كورنيو چارو كې يې لاس ونه كړي واى،
چې له بده مرغه اوس د دې خاورې دناپو ه مشرانو له ناوړه اعمالوه څخه " پاکستان" ښه پوره ګټه پورته كړه، تر دې حده پورې
چې په پلازمېنه كابل كې، دنور هېوادونو دسفارت خانو په الوزولو يې همه تمه ونكړه.
مګر دخواشینۍ خبره داده چې، ټولې ډلې، اویوشمېر خلک، په دې برخه کې ولسمشر ته ګوته نیسي، او د ،ټولو ملا متیو اصلي لامل ولسمشر کرزی په ګوته کوي.
خوپه حقیقت کې داسې نه دی ،ددې پرځای چې دهرې غمیزې ترشا یوبل ملامت کړو،راځۍ چې
دحل لاره یې ولټوو ترڅو به په دې وطن کې زه اوته وژل کېږو،له یوې خوا ددې خاورې بچیان،ماشومان،اوخپلې ښځې له لاسه ورکوو،اوله بلې خوا به یو بل نه منو.
داهغه تریخ حقیقت دی چې هرافغان یې په اورېدومکلف دی،اوباید هم واورېدل شي، اوسنۍ ستو
نځې اوحالت په دې خاوره کې، د دېرش کلنې جکړې یو بل انځور دی، داسې باید فکر ونشی چې
افغانستان له دېرش کلنې جګړې څخه را خلاص شوو،نه دا سراسرجنون او خیالي فکرونه دي
،افغانستان تازه دیوه نوي جګړې ډګرته راوتلی، اوداهغه ډګر دی چې دوښمن هم ورته مخامخ ناست دی.
اوداهغه دوښمن دی چې،دافغانستان دبربادۍ دبنسټ دبره اېښې ده،او دادوښمن " پاکستان" دی،چې دهرې ورځې په تېردوسره خپل شوم موقوف ،په ګوته کوي، خوله بده مرغه په دې خاوره
کې داسې یو ځواک نشته چې" پاکستان" ته هغه افغاني درس ورکړي ،کوم چې ددې خاورې پلارونو انګرېزانوته ورکړې وه.
په هېواد کې ،څو ورستي بریدونه دا په ګوته کړل چې " پاکستان" ددې خاورې اصلي دوښمن
دی،او داهم باید وویل شي یوازې " پاکستان" نه ،بلکه نور لاسونه هم شته چې ،د دې هېواد په
ورانولو کې لوی لاس لري، دبېلګې په توګه "انګرېزان" او لوېدیځ وال چې اوس دهغوی اعمال په ښکاره ډول لیدل کیږي.
“پاکستان" په اوس وخت كې دخپلوانګريزي، بادارنو په امر او هدايت خپله ټوله هڅه ونه دافغانستان په ورانولو كې ساتلې ده، اوپه دې نه پوهيږي چې،افغانستان دنړۍ لويو نظامونوته
دعبرت درسونه وركړي دي او" پاکستان" ته به هم دعبرت سبق وركړل شي، خوله بده مرغه اوس هغه هېوادونه دافغانستان دورانولو لپاره له " پاکستان" نه كار اخلي.
اود" پاکستان" په واسطه غواړي چې، له افغانستان نه غچ واخلي، خوپه خوشحالۍ سره داويلى
شوچې، دپاكستان ،باداران نه يوازې داچې بيا خپل هويت له لاسه وركوي،بلكې " پاکستان" هم دځمكې له كرې څخه په افغانستان باندې وركوي.
" پاکستان" بايد له یاده ونه باسي چې "ماته" اوناكامي يې دافغانستان په لاس ده،او په دې باندې
هم زړه ښه نكړي چې، نن له ده سره پرمختللي وسلې او مهمات موجود دي، افغان ولس هېڅكله له جګړې نه په هر دول شرايطوكې نه دي ډارشوي.
په ډاګه بايد وويل شي چې، " پاکستان" ، دافغانستان د دېرش كلنې جګړې،ضامن اوبنسټ
اېښودونكى دى،دپاكستان خرڅ شوي ،اودبهرنيانو ګډاګي سياست وال تل دافغانستان دخلكو لپاره،د مختلفو نظامونو په رامنځته ګېدوسره خنډونه پرې باسلي دي.
او په افغانستان كې دهرې مخالفې ډلې لپاره ددولت پروړاندې دمبارزي لارې هوارې كړي دي،اوله هغوى سره خپلې مرستې جاري ساتلي دي.
خوپه هم دې موده كې دافغانستان دولت وال،تل د" پاکستان" سره دخبرو پركرښو ټينګاردر
لود،چې داپه خپله دافغانستان دخلكو ،او دولتونو زړه ورتيا او مېړانه، د" پاکستان" دشيطاني كړنو پروړاندې په ګوته كوله.
مګر د دې خبرې مفهوم او معنى دانه دي چې،افغانستان له " پاکستان" څخه ډار لري،افغانستان
تل پاكستان ته دورور اوښه ګاوندي په توګه موقوف وركړى وو، او دراولاړوشو ستو نځو دحل لپاره دخبرولړۍ ته په درنښت كتل كېده.
خوپه خواشينۍ سره چې " پاکستاني" تورمخي سياست وال دافغانستان دخلكو او دولت له دغه نيك
اوانساني غوښتنې نه په ډېره لوړه كچه غير انساني،غير اخلاقي ،اوغير اسلامي ګټه پورته كړه.
تردې حده چې يوازې په تېرو څوكلونو كې، په سلګونه افغانان د" پاکستان" دناوړه اړيكو په پايله كې خپل ځانونه له لاسه وركړل.
دبېلګې په توګه، دكابل ښارپه زړه كې دهند سفارت پروړاندې هغه درنه چاودن يادولى شو چې ،په نيغه توګه دا په ګوته كوي چې ،دا كار د" پاکستان" دمختوري استخباراتي شبكې كاروو.
دهېواد په كچه هغه بريدونه چې دځان وژونكو كسانو له خوا ترسره شوي دي ،دڅېړنې په پايله كې
په ګوته شوې ده چې، مردار شوي کسان ،د" پاکستان" وګړي دي، دهمدې خبرې په لړ كې دېر
كسان مخكې له دې نه چې ځان خپل هدف ته ورسوي، ژوندي نيول شوي دي،چې كره اسناد هم له امنيتي ادراوسره موجود دي.
خوله نېكه مرغه " ولسمشر كرزى " په دې ورستيو كې په خپلوڅرګندونو كې داپه ګوته كړه چې،افغانان نور نه غواړي چې،" پاکستان" تر دې نه زيات په دې خاوره باندې تېرى وكړي،
هغه څه چې پاكستان له افغانستان نه غواړي ديوه خوب او خيالي غوښتنې بڼه لري ،او دا كله هم په هېڅ صورت نه عملي كيږي.
اوداد" پاکستان" ، او دهغهوي دبادارانو لپاره هغه خوب دى چې، مونږ هغه ته په پښتو ژبه مرګ
وايو،" پاکستان" دې په دې پوه شي چې د" پاکستان" نيمايي نه زياته برخه دافغانانو خاوره ده،او افغانان كه نن وي،اوكا سباوي خپله خاوره بېرته دپرديو له واكه خلاصوي،اوهرڅومره شيطانت او
منافقت چې،د" پاکستاني" چارواكو په وس كې وي هغه دې وكړي، خوضروري ده چې افغانستان " پاکستان" ي مختورو سیاست والو ته افغاني درس ورکوي.
په پاي كې دومره وايم چې، " پاکستان" آخر دافغانستان او هند ترمنځ وېشل كيږي، او دا هغه
غوښتنه ده چې،دپاكستان باداران يې دانتظار شېبې شماري ،يوځلې بيا زه دښاغلي كرزي ورستي
څرګندونې د" پاکستان" په هكله ستايم او دلا ګړندي توب او عملي كېدو لپاره يې ليوال يم، خداي
دې افغان ولس ته دغه توان وركړي چې ،د" پاکستان" د نقشې په وركولو كې كوټلي ګامونه پورته كړي، دتل پاتې افغانستان په هيله.
لیکوال:(عبدالغفارپوپل(
